ان لوگوں کو سلام کرنا مسنون نہیں ہے

ان لوگوں کو سلام کرنا مسنون نہیں ہے

۱۔قضاء حاجت کرنے والا،

۲۔جو کھانا کھا رہا ہو،

۳۔سونے والا،

۴۔صحبت کرنے والا،

۵۔ جو حمام میں نظافت حاصل کر رہا ہو،

۶۔نمازی

۷۔سجدہ کرنے والا،

۸۔تلبیہ پڑھنے والا،

۹۔مؤذن،

۱۰۔ جو اقامت کہہ رہا ہو،

۱۱۔اونگھنے والا،

۱۲۔ خطیب،

۱۳۔جو خطبہ سن رہا ہو،

۱۴۔جو دعا میں کھویا ہوا ہو،

۱۵۔حاکم کے روبرو موجود فریقین۔

          مذکورہ افراد کو کوئی سلام کرے تو ان پر جواب واجب نہیں سوائے اس شخص کے جو خطبہ سن رہا ہو کیوں کہ اس پر جواب لازم ہے، تلبیہ پڑھنے والے کو لفظاً سلام کا جواب دینا مستحب ہے۔ مؤذن اور نمازی کو مستحب ہے کہ اشارہ سے جواب دیں ورنہ فارغ ہونے کے بعد لفظاً جواب دیں، جب کہ زیادہ دیر نہ گذری ہو۔ کھانے والا شخص لقمہ نگلنے کے بعد دوسرا لقمہ منہ رکھنے سے پہلے  اسے سلام کرنا مسنون ہے۔ اور اس صورت میں جواب واجب ہے، لقمہ چباتے یا نگلتے وقت سلام مسنون نہیں ہے۔ قضاء حاجت اور جماع کی حالت میں جواب مکروہ ہے۔

          قرآن کی تلاوت کرنے والا،مدرس اور طلبہ کو سلام کرنا مسنون اور ان کو جواب دینا واجب ہے۔ اگر کوئی شخص تلاوت میں بالکل محو اور تدبر میں مستغرق ہو تو امام اذرعیؒ کا خیال ہے کہ یہ بھی دعا میں محو شخص کی طرح ہے(یعنی اسے سلام کرنا مستحب ہے)۔

(ملخصاً تحفۃ الباری ۳/۱۸۹-۱۹۰)